طنز کرتا ہے آئنہ مجھ پر

طنز کرتا ہے آئنہ مجھ پر

وقت کیسا یہ آ پڑا مجھ پر

ایک ہلکی سی ضرب ماری تھی

شہر سارا ہی آ پڑا مجھ پر

ایسا لگنے لگا ہے اب مجھ کو

ہر مصیبت کی انتہا مجھ پر

جان دے کر ہی ہو سکا ہے ادا

کئی صدیوں کا قرض تھا مجھ پر

سورۂ ناس پڑھتا رہتا ہوں

کوئی جادو نہ چل سکا مجھ پر

ڈھونڈنے ایک بھی نہیں نکلا

سبھی پڑھتے ہیں فاتحہ مجھ پر

عمر گزری وفا شعاری میں

قتل ہونا بھی فرض تھا مجھ پر

لوگ کرتے گئے کرم پہ کرم

قرض بڑھتا چلا گیا مجھ پر

چلتا رہتا ہوں بن تھکے پرویزؔ

کھلتا جاتا ہے راستہ مجھ پر

tanz karta hai aina mujh par

waqt kaisa ye a para mujh par

ek halki si zarb mari thi

shahr sara hi a para mujh par

aisa lagne laga hai ab mujh ko

har musibat ki intiha mujh par

jan de kar hi ho saka hai ada

kai sadiyon ka qarz tha mujh par

sura-e-nas parhta rahta hun

koi jadu na chal saka mujh par

dhundne ek bhi nahin nikla

sabhi parhte hain fatiha mujh par

umr guzri wafa shiari mein

qatl hona bhi farz tha mujh par

log karte gae karam pe karam

qarz barhta chala gaya mujh par

chalta rahta hun ban thake parwez

khulta jata hai rasta mujh par