منزل پہ دھیان ہم نے ذرا بھی اگر دیا

منزل پہ دھیان ہم نے ذرا بھی اگر دیا

آکاش نے ڈگر کو اجالوں سے بھر دیا

رکنے کی بھول ہار کا کارن نہ بن سکی

چلنے کی دھن نے راہ کو آسان کر دیا

پانی کے بلبلوں کا سفر جانتے ہوئے

تحفے میں دل نہ دینا تھا ہم نے مگر دیا

پیپل کی چھاؤں بجھ گئی تالاب سڑ گئے

کس نے یہ میرے گاؤں پہ احسان کر دیا

گھر کھیت گائے بیل رقم اب کہاں رہے

جو کچھ تھا سب نکال کے فصلوں میں بھر دیا

منڈی نے لوٹ لیں جواں فصلیں کسان کی

قرضے نے خودکشی کی طرف دھیان کر دیا

manzil pe dhyan ham ne zara bhi agar diya

akash ne dagar ko ujalon se bhar diya

rukne ki bhul har ka karan na ban saki

chalne ki dhun ne rah ko asan kar diya

pani ke bulbulon ka safar jante hue

tohfe mein dil na dena tha ham ne magar diya

pipal ki chhaon bujh gai talab sar gae

kis ne ye mere gaon pe ehsan kar diya

ghar khet gae bel raqam ab kahan rahe

jo kuchh tha sab nikal ke faslon mein bhar diya

mandi ne laut len jawan faslen kisan ki

qarze ne khudkushi ki taraf dhyan kar diya