ہر بار ہوا ہے جو وہی تو نہیں ہوگا

ہر بار ہوا ہے جو وہی تو نہیں ہوگا

ڈر جس کا ستاتا ہے ابھی تو نہیں ہوگا

دنیا کو چلو پرکھیں نئے دوست بنائیں

ہر شخص زمانے میں وہی تو نہیں ہوگا

وہ شخص بڑا ہے تو غلط ہو نہیں سکتا

دنیا کو بھروسہ یہ ابھی تو نہیں ہوگا

ہے اس کا اشارہ بھی سمجھنے کی ضرورت

ہوگا تو کبھی ہوگا ابھی تو نہیں ہوگا

دو چار گڑے مردے اکھاڑیں گے کسی روز

ہر بار نیا جھگڑا کبھی تو نہیں ہوگا

کچھ اور بھی ہو سکتا ہے تقریر کا مطلب

جو آپ نے سمجھا ہے وہی تو نہیں ہوگا

ہر بار زمانے کا ستم ہوگا مجھی پر

ہاں میں ہی بدل جاؤں کبھی تو نہیں ہوگا

har bar hua hai jo wahi to nahin hoga

dar jis ka satata hai abhi to nahin hoga

duniya ko chalo parkhen nae dost banaen

har shakhs zamane mein wahi to nahin hoga

wo shakhs bara hai to ghalat ho nahin sakta

duniya ko bharosa ye abhi to nahin hoga

hai us ka ishara bhi samajhne ki zarurat

hoga to kabhi hoga abhi to nahin hoga

do char gare murde ukharenge kisi roz

har bar naya jhagra kabhi to nahin hoga

kuchh aur bhi ho sakta hai taqrir ka matlab

jo ap ne samjha hai wahi to nahin hoga

har bar zamane ka sitam hoga mujhi par

han main hi badal jaun kabhi to nahin hoga