تو وفا کر کے بھول جا مجھ کو

تو وفا کر کے بھول جا مجھ کو

اب ذرا یوں بھی آزما مجھ کو

یہ زمانہ برا نہیں ہے مگر

اپنی نظروں سے دیکھنا مجھ کو

بے صدا کاغذوں میں آگ لگا

آج کی رات گنگنا مجھ کو

تجھ کو کس کس میں ڈھونڈھتا آخر

تو بھی کس کس سے مانگتا مجھ کو

اب کسی اور کا پجاری ہے

جس نے مانا تھا دیوتا مجھ کو

tu wafa kar ke bhul ja mujh ko

ab zara yun bhi azma mujh ko

ye zamana bura nahin hai magar

apni nazron se dekhna mujh ko

be sada kaghazon mein ag laga

aj ki rat gunguna mujh ko

tujh ko kis kis mein dhundhta akhir

tu bhi kis kis se mangta mujh ko

ab kisi aur ka pujari hai

jis ne mana tha dewta mujh ko