دھڑکتے سانس لیتے رکتے چلتے میں نے دیکھا ہے

دھڑکتے سانس لیتے رکتے چلتے میں نے دیکھا ہے

کوئی تو ہے جسے اپنے میں پلتے میں نے دیکھا ہے

تمہارے خون سے میری رگوں میں خواب روشن ہے

تمہاری عادتوں میں خود کو ڈھلتے میں نے دیکھا ہے

نہ جانے کون ہے جو خواب میں آواز دیتا ہے

خود اپنے آپ کو نیندوں میں چلتے میں نے دیکھا ہے

میری خاموشیوں میں تیرتی ہیں تیری آوازیں

ترے سینے میں اپنا دل مچلتے میں نے دیکھا ہے

بدل جائے گا سب کچھ بادلوں سے دھوپ چٹخے گی

بجھی آنکھوں میں کوئی خواب جلتے میں نے دیکھا ہے

مجھے معلوم ہے ان کی دعائیں ساتھ چلتی ہیں

سفر کی مشکلوں کو ہاتھ ملتے میں نے دیکھا ہے

dharakte sans lete rukte chalte main ne dekha hai

koi to hai jise apne mein palte main ne dekha hai

tumhare khun se meri ragon mein khwab raushan hai

tumhari adaton mein khud ko dhalte main ne dekha hai

na jane kaun hai jo khwab mein awaz deta hai

khud apne ap ko nindon mein chalte main ne dekha hai

meri khamoshiyon mein tairti hain teri awazen

tire sine mein apna dil machalte main ne dekha hai

badal jaega sab kuchh badalon se dhup chatkhegi

bujhi ankhon mein koi khwab jalte main ne dekha hai

mujhe maalum hai un ki duaen sath chalti hain

safar ki mushkilon ko hath milte main ne dekha hai