یہ سوچنا غلط ہے کہ تم پر نظر نہیں

یہ سوچنا غلط ہے کہ تم پر نظر نہیں

مصروف ہم بہت ہیں مگر بے خبر نہیں

اب تو خود اپنے خون نے بھی صاف کہہ دیا

میں آپ کا رہوں گا مگر عمر بھر نہیں

آ ہی گئے ہیں خواب تو پھر جائیں گے کہاں

آنکھوں سے آگے ان کی کوئی رہ گزر نہیں

کتنا جئیں کہاں سے جئیں اور کس لئے

یہ اختیار ہم پہ ہے تقدیر پر نہیں

ماضی کی راکھ الٹیں تو چنگاریاں ملیں

بے شک کسی کو چاہو مگر اس قدر نہیں

ye sochna ghalat hai ke tum par nazar nahin

masruf ham bahut hain magar be khabar nahin

ab to khud apne khun ne bhi saf kah diya

main ap ka rahunga magar umr bhar nahin

a hi gae hain khwab to phir jaenge kahan

ankhon se age un ki koi rah guzar nahin

kitna jiyen kahan se jiyen aur kis liye

ye ikhtiyar ham pe hai taqdir par nahin

mazi ki rakh ulten to chingariyan milen

be shak kisi ko chaho magar is qadar nahin