تیغ جفا کو تیری نہیں امتحاں سے ربط

تیغ جفا کو تیری نہیں امتحاں سے ربط

میری سبک سری کو ہے بار گراں سے ربط

دنیا کو ہم سے کام نہ دنیا سے ہم کو کام

خاطر سے تیری رکھتے ہیں سارے جہاں سے ربط

اڑتے ہی گرد جاتی ہے جو سوئے آسماں

ہے کچھ نہ کچھ زمین کو بھی آسماں سے ربط

اظہار حال کے لئے صورت سوال ہے

ہے گفتگو سے کام نہ ہم کو زباں سے ربط

چشمے کی طرح رہتی ہیں جاری مدام یہ

آنکھوں کو ہو گیا ہے جو آب رواں سے ربط

بے ربطیوں نے قدرؔ مٹائی جو ربط کی

ہے گوشت کو بھی اپنے نہ اب استخواں سے ربط

tegh-e-jafa ko teri nahin imtihan se rabt

meri subuk siri ko hai bar-e-giran se rabt

duniya ko ham se kam na duniya se ham ko kam

khatir se teri rakhte hain sare jahan se rabt

urte hi gard jati hai jo su-e-asman

hai kuchh na kuchh zamin ko bhi asman se rabt

izhar-e-hal ke liye surat sawal hai

hai guftugu se kam na ham ko zaban se rabt

chashme ki tarah rahti hain jari mudam ye

ankhon ko ho gaya hai jo ab-e-rawan se rabt

be rabatiyon ne qadar mitai jo rabt ki

hai gosht ko bhi apne na ab ustukhwan se rabt