وہ بظاہر کبھی عیاں نہ ہوا

وہ بظاہر کبھی عیاں نہ ہوا

پھر بھی مشتاق سے نہاں نہ ہوا

آج کیوں میرا امتحاں نہ ہوا

برق کی نذر آشیاں نہ ہوا

نہ ہوا مجھ پہ مہرباں کوئی

جب تک اللہ مہرباں نہ ہوا

صرف رسوائی کے لیے میری

ذکر میرا کہاں کہاں نہ ہوا

ہر دم آفت میں جاں ہے اس کے لیے

غم ہوا یہ تو آشیاں نہ ہوا

دل کی خاطر ہزار کوشش کی

وہ نہ ہونا تھا مہرباں نہ ہوا

کوئی محبوب اپنے طالب کا

قدرؔ اب تک تو قدرداں نہ ہوا

wo bazahir kabhi ayan na hua

phir bhi mushtaq se nihan na hua

aj kyun mera imtihan na hua

barq ki nazr-e-ashiyan na hua

na hua mujh pe mehrban koi

jab tak allah mehrban na hua

sirf ruswai ke liye meri

zikr mera kahan kahan na hua

har dam afat mein jan hai us ke liye

gham hua ye to ashiyan na hua

dil ki khatir hazar koshish ki

wo na hona tha mehrban na hua

koi mahbub apne talib ka

qadar ab tak to qadardan na hua