دست جنوں نے مجھ کو پریشاں بنا دیا

دست جنوں نے مجھ کو پریشاں بنا دیا

جو چیز ہاتھ آئی گریباں بنا دیا

آخر مرے جنون سلیقہ شعار نے

کانٹے کو پھول گل کو گلستاں بنا دیا

اے حسن لا یزال یہ افضال تھے ترے

جو ذوق عشق نے مجھے انساں بنا دیا

تو اے خیال گل صد و سی سال زندہ باد

تو نے مرے قفس کو گلستاں بنا دیا

حسن تجلیات نے انداز خاص سے

آئینۂ خیال کو حیراں بنا دیا

کھینچے وہ بیل بوٹے اتارے وہ پھول پھل

دامن کو اشک خوں نے گلستاں بنا دیا

دل کو ہمارے وحشت عاشق نواز نے

سرمایۂ خیال پریشاں بنا دیا

پھولے پھلے نہال حیات اس کا اے خدا

جس نے مری لحد کو گلستاں بنا دیا

آ آ کے قدرؔ زلف پریشاں کی یاد نے

اپنے کرم سے مجھ کو پریشاں بنا دیا

dast-e-junun ne mujh ko pareshan bana diya

jo chiz hath ai gareban bana diya

akhir mire junun-e-saliqa shiar ne

kante ko phul gul ko gulistan bana diya

ai husn la yazal ye ifzal the tire

jo zauq-e-ishq ne mujhe insan bana diya

tu ai khayal-e-gul sad-o-si sal zinda bad

tu ne mire qafas ko gulistan bana diya

husn-e-tajliyat ne andaz-e-khas se

aina-e-khayal ko hairan bana diya

khinche wo bel bute utare wo phul phal

daman ko ashk-e-khun ne gulistan bana diya

dil ko hamare wahshat-e-ashiq nawaz ne

sarmaya-e-khayal pareshan bana diya

phule phale nihal-e-hayat us ka ai khuda

jis ne miri lahad ko gulistan bana diya

a a ke qadr zulf-e-pareshan ki yad ne

apne karam se mujh ko pareshan bana diya