ضبط کر آہ بار بار نہ کر

ضبط کر آہ بار بار نہ کر

غم الفت کو شرمسار نہ کر

جس کو خود اپنا اعتبار نہ ہو

ایسے انساں کا اعتبار نہ کر

اس کے فضل و کرم پہ رکھ نظریں

اپنے سجدوں کا اعتبار نہ کر

باغ اجڑنے کا غم ہی کیا کم ہے

جانے بھی دے غم بہار نہ کر

لوگ تجھ کو حقیر سمجھیں گے

حد سے زائد بھی انکسار نہ کر

وقت سے فائدہ اٹھا لیکن

وقت کا کوئی اعتبار نہ کر

لطف اٹھا بس نگاہ اول سے

ہر نظر کو گناہ گار نہ کر

جس سے فتنے بپا ہوں دنیا میں

ایسے غافل کو ہوشیار نہ کر

قدرؔ کو تو نے دی ہے جب عزت

اے خدا اس کو بے وقار نہ کر

zabt kar ah bar bar na kar

gham-e-ulfat ko sharmsar na kar

jis ko khud apna etibar na ho

aise insan ka etibar na kar

us ke fazl-o-karam pe rakh nazren

apne sajdon ka etibar na kar

bagh ujarne ka gham hi kya kam hai

jane bhi de gham-e-bahar na kar

log tujh ko haqir samjhenge

had se zaid bhi inkisar na kar

waqt se faida utha lekin

waqt ka koi etibar na kar

lutf utha bas nigah-e-awwal se

har nazar ko gunah gar na kar

jis se fitne bapa hun duniya mein

aise ghafil ko hoshyar na kar

qadr ko tu ne di hai jab izzat

ai khuda us ko be waqar na kar