یہ بھول جا کہ ہیں تیرے بھی غم گسار بہت

یہ بھول جا کہ ہیں تیرے بھی غم گسار بہت

بنانا کاغذی پھولوں کے خشک ہار بہت

جو چشم یار ہے ہوش و خرد شکار بہت

دل و نظر پہ ہمیں بھی ہے اختیار بہت

ہم اپنے وقت کی تصویر مسخ صورت ہیں

دکھائے ہم کو نہ آئینہ روزگار بہت

خدا وہ وقت نہ لائے کہ آزمائش ہو

تعلقات تمہیں سے ہیں استوار بہت

کسی بھی شاخ پہ جب میرا آشیاں نہ ملا

چمن میں آج پھری برق بے قرار بہت

دل تباہ کی نیرنگیوں کا حال نہ پوچھ

گہے قرار بہت گاہ بے قرار بہت

حیات نازش کونین ہو تو کیا غم ہے

وہ چار دن کی سہی عمر مستعار بہت

ہمیں تو اپنی وفاؤں کا مل رہا ہے صلہ

جفا و جور پہ وہ کیوں ہیں شرمسار بہت

بہت دنوں سے اب اپنی تلاش میں گم ہیں

رئیسؔ چھان چکے خاک کوئے یار بہت

ye bhul ja ke hain tere bhi gham gusar bahut

banana kaghzi phulon ke khushk har bahut

jo chashm-e-yar hai hosh-o-khirad shikar bahut

dil-o-nazar pe hamen bhi hai ikhtiyar bahut

ham apne waqt ki taswir maskh surat hain

dikhae ham ko na aina rozgar bahut

khuda wo waqt na lae ke azmaish ho

taalluqat tumhen se hain ustuwar bahut

kisi bhi shakh pe jab mera ashiyan na mila

chaman mein aj phiri barq-e-be qarar bahut

dil-e-tabah ki nairangiyon ka hal na puchh

gahe qarar bahut gah be qarar bahut

hayat nazish kaunain ho to kya gham hai

wo char din ki sahi umr mustaar bahut

hamen to apni wafaon ka mil raha hai sila

jafa-o-jaur pe wo kyun hain sharmsar bahut

bahut dinon se ab apni talash mein gum hain

rais chhan chuke khak ku-e-yar bahut