دل و نگاہ پہ جس کو ہو اختیار چلے

دل و نگاہ پہ جس کو ہو اختیار چلے

رہ وفا میں کوئی بھی نہ خام کار چلے

ہمیں روش پہ زمانہ کی اعتبار نہیں

ہمارے ساتھ زمانہ ہزار بار چلے

ہم اپنے وقت کے آقا ہم اپنے دور کے شاہ

مگر خدا نہ کرے اپنی پیش یار چلے

یہ رہروان محبت ہی خوب جانتے ہیں

کہ فرش گل پہ چلے یا بہ نوک خار چلے

نہ راہبر پہ نظر اور نہ منزلوں کی خبر

ترے قدم بہ قدم تیرے جاں نثار چلے

ہمارے بعد کے لوگوں پہ جانے کیا گزرے

رئیسؔ ہم تو بڑے چین سے گزار چلے

dil-o-nigah pe jis ko ho ikhtiyar chale

rah-e-wafa mein koi bhi na kham kar chale

hamen rawish pe zamana ki etibar nahin

hamare sath zamana hazar bar chale

ham apne waqt ke aqa ham apne daur ke shah

magar khuda na kare apni pesh-e-yar chale

ye rahrawan-e-mohabbat hi khub jante hain

ke farsh-e-gul pe chale ya ba nok-e-khar chale

na rahbar pe nazar aur na manzilon ki khabar

tire qadam ba qadam tere jan nisar chale

hamare baad ke logon pe jane kya guzre

rais ham to bare chain se guzar chale