ہر آئنہ نے کہا رخصت غبار کے بعد

ہر آئنہ نے کہا رخصت غبار کے بعد

یہاں تو کچھ بھی نہیں ہے جمال یار کے بعد

زمانہ زیر نگیں تھا رضائے یار کے بعد

وہ اختیار ملا ترک اختیار کے بعد

یہ مانتا ہوں ادب شرط عشق ہے لیکن

یہ ہوش کس کو رہے گا نگاہ یار کے بعد

پروں سے منہ کو چھپا کر قفس میں آ بیٹھا

چمن کا حال نہ دیکھا گیا بہار کے بعد

ترے جمال کو سمجھے طلسم غنچہ و گل

فریب کھائے بہت ہم نے اعتبار کے بعد

وہ جام جام نہیں حاصل دو عالم ہے

جو دست شوق میں آیا ہے انتظار کے بعد

غم فراق کی منزل رئیسؔ ختم ہوئی

اب آگے جلوے ہی جلوے ہیں ہجر یار کے بعد

har aina ne kaha rukhsat-e-ghubar ke baad

yahan to kuchh bhi nahin hai jamal-e-yar ke baad

zamana zer-e-nagin tha raza-e-yar ke baad

wo ikhtiyar mila tark-e-ikhtiyar ke baad

ye manta hun adab shart-e-ishq hai lekin

ye hosh kis ko rahega nigah-e-yar ke baad

paron se munh ko chhupa kar qafas mein a baitha

chaman ka hal na dekha gaya bahar ke baad

tire jamal ko samjhe tilism-e-ghuncha-o-gul

fareb khae bahut ham ne etibar ke baad

wo jam jam nahin hasil do alam hai

jo dast-e-shauq mein aya hai intizar ke baad

gham-e-firaq ki manzil rais khatm hui

ab age jalwe hi jalwe hain hijr-e-yar ke baad