جب سنبھل کر قدم اٹھاتا ہوں

جب سنبھل کر قدم اٹھاتا ہوں

کوئی ٹھوکر ضرور کھاتا ہوں

آپ سے جب نظر ملاتا ہوں

کون ہوں کیا ہوں بھول جاتا ہوں

مجھ پہ اے رنگ ڈالنے والو

میں تو رنگوں کا جنم داتا ہوں

وقت ہے مبتلائے خواب عدم

ٹھوکریں مار کر جگاتا ہوں

ذہن ایسا ہے کچھ پراگندہ

یاد کرتا ہوں بھول جاتا ہوں

ڈھونڈھتے پھر رہے ہیں دونوں جہاں

دیکھیے کس کے ہاتھ آتا ہوں

اب نہیں ہے کراہنے کی سکت

چوٹ کھاتا ہوں مسکراتا ہوں

jab sambhal kar qadam uthata hun

koi thokar zarur khata hun

ap se jab nazar milata hun

kaun hun kya hun bhul jata hun

mujh pe ai rang dalne walo

main to rangon ka janam data hun

waqt hai mubtala-e-khwab-e-adam

thokaren mar kar jagata hun

zehn aisa hai kuchh paraganda

yad karta hun bhul jata hun

dhundhte phir rahe hain donon jahan

dekhiye kis ke hath ata hun

ab nahin hai karahne ki sakat

chot khata hun muskurata hun