بے نیاز صوت و محروم بیاں رکھا گیا

بے نیاز صوت و محروم بیاں رکھا گیا

یعنی حرف شوق کو زیر زباں رکھا گیا

خواب میں رکھی گئی بنیاد شہر آرزو

قید میں برفاب کی شعلہ جواں رکھا گیا

رہنمائی دی گئی ہر موج تند و تیز کو

پانیوں پر ہر سفینے کو رواں رکھا گیا

قدسیوں کو رفعتیں بخشی گئیں فردوس کی

خاک کے پتلے کو زیر آسماں رکھا گیا

دوپہر کی دھوپ میں آصفؔ جلا جاتا ہے جسم

سایۂ اشجار کو جانے کہاں رکھا گیا

be niyaz-e-saut-o-mahrum-e-bayan rakha gaya

yaani harf-e-shauq ko zer-e-zaban rakha gaya

khwab mein rakhi gai buniyad shahr-e-arzu

qaid mein barfab ki shola jawan rakha gaya

rahnumai di gai har mauj-e-tund-o-tez ko

paniyon par har safine ko rawan rakha gaya

qudsiyon ko rifaten bakhshi gain firdaus ki

khak ke putle ko zer-e-asman rakha gaya

dopahar ki dhup mein asaf jala jata hai jism

saya-e-ashjar ko jane kahan rakha gaya