نوید یوم بہاراں خزاں سے ظاہر ہو

نوید یوم بہاراں خزاں سے ظاہر ہو

مثال صوت پریشاں فغاں سے ظاہر ہو

تجھے گماں ہے اگر خود پہ لفظ روشن کا

ردائے شبنم عجز بیاں سے ظاہر ہو

چمک اٹھے مری آنکھوں میں اشک کی صورت

جو آگ دل میں ہے روشن زباں سے ظاہر ہو

کسی بھی سمت سے ابھرے ستارۂ آواز

نہیں یہ قید کہ وہ آسماں سے ظاہر ہو

وہ کائنات کا خالق سہی مگر آصفؔ

یقیں ہے خود پہ اسے تو گماں سے ظاہر ہو

nawed-e-yaum-e-baharan khizan se zahir ho

misal-e-saut-e-pareshan fughan se zahir ho

tujhe guman hai agar khud pe lafz raushan ka

rida-e-shabnam ijz-e-bayan se zahir ho

chamak uthe miri ankhon mein ashk ki surat

jo ag dil mein hai raushan zaban se zahir ho

kisi bhi samt se ubhre sitara-e-awaz

nahin ye qaid ke wo asman se zahir ho

wo kainat ka khaliq sahi magar asaf

yaqin hai khud pe use to guman se zahir ho