کس دل سے ہم ارادۂ ترک جنوں کریں

کس دل سے ہم ارادۂ ترک جنوں کریں

ممکن نہیں کہ خواہش صحرا کا خوں کریں

کچھ گفتگو ہو آج عروس بہار سے

کچھ ہم خزاں رسیدہ بھی حاصل سکوں کریں

ہاں بے کناریوں سے کریں آشنا اسے

ہاں درد انتظار کو کچھ تو فزوں کریں

منزل کا جس سے مل نہ سکے تا ابد سراغ

وہ راہ اختیار بتاؤ تو کیوں کریں

دیں آرزو کو رنگ رہ یار خوش خرام

فرصت ملے تو آصفؔ‌ و خالدؔ بھی یوں کریں

kis dil se ham irada-e-tark-e-junun karen

mumkin nahin ke khwahish-e-sahra ka khun karen

kuchh guftugu ho aj urus-e-bahar se

kuchh ham khizan rasida bhi hasil sukun karen

han be kinariyon se karen ashna use

han dard-e-intizar ko kuchh to fuzun karen

manzil ka jis se mil na sake ta abad suragh

wo rah ikhtiyar batao to kyun karen

den arzu ko rang rah-e-yar khush khiram

fursat mile to asaf-o-khalid bhi yun karen