آ گیا ایثار میرے حلقۂ احباب میں

آ گیا ایثار میرے حلقۂ احباب میں

پھر کسی شعلے نے پائی ہے نمو برفاب میں

کہہ رہی ہے ساحلوں سے ڈوبنے والے کی لاش

میں نے پایا ہے سکوں اک مضطرب گرداب میں

کانپ اٹھا ہوں ورود بارش موعودہ پر

غرق ہونے کو ہے سارا شہر سیل آب میں

میرے ہاتھوں میں اگر تقدیر صبح و شام ہو

تتلیاں تعبیر کی رکھ دوں کتاب خواب میں

خاک کے پتلے نے آخر کر دیا افشا اسے

دفن تھا جو راز اب تک سینۂ مہتاب میں

سامنے کی چیز میں آصفؔ نہیں کوئی کشش

تک نہ یوں حیرت سے اپنے عکس کو تالاب میں

a gaya isar mere halqa-e-ahbab mein

phir kisi shole ne pai hai numu barfab mein

kah rahi hai sahilon se dubne wale ki lash

main ne paya hai sukun ik muztarib girdab mein

kanp utha hun warod-e-barish-e-mauuda par

gharq hone ko hai sara shahr-e-sail-e-ab mein

mere hathon mein agar taqdir subh-o-sham ho

titliyan taabir ki rakh dun kitab-e-khwab mein

khak ke putle ne akhir kar diya ifsha use

dafn tha jo raz ab tak sina-e-mahtab mein

samne ki chiz mein asaf nahin koi kashish

tak na yun hairat se apne aks ko talab mein