صدائے عہد وفا کو زوال کیوں آیا

صدائے عہد وفا کو زوال کیوں آیا

لب سکوت پہ حرف سوال کیوں آیا

کسے خبر کہ چمن میں خزاں کی آمد پر

غرور‌ شعلۂ گل کو جلال کیوں آیا

بجھا رہا تھا میں اپنے وجود کا خورشید

تری نگاہ میں رنگ ملال کیوں آیا

شب فراق نے دیکھی نہ تھی مری صورت

شب فراق کو میرا خیال کیوں آیا

چبھن ہے ذہن میں آصفؔ کہ اس اندھیرے میں

افق کے ہاتھ پہ آخر ہلال کیوں آیا

sada-e-ahd-e-wafa ko zawal kyun aya

lab-e-sukut pe harf-e-sawal kyun aya

kise khabar ke chaman mein khizan ki amad par

ghurur-e-shola-e-gul ko jalal kyun aya

bujha raha tha main apne wajud ka khurshid

tiri nigah mein rang-e-malal kyun aya

shab-e-firaq ne dekhi na thi miri surat

shab-e-firaq ko mera khayal kyun aya

chubhan hai zehn mein asaf ke is andhere mein

ufuq ke hath pe akhir hilal kyun aya