ہر ایک شے کی حقیقت سے با خبر دیکھوں

ہر ایک شے کی حقیقت سے با خبر دیکھوں

میں اپنی خاک میں پنہاں تجھے بھی گر دیکھوں

یہ کیا کہ ہات بڑھاؤں تو سنگ ریزے ملیں

کہیں تو میں بھی دمکتے ہوئے گہر دیکھوں

ہو آنکھ میں کسی چہرے کا ڈوبتا منظر

میں پانیوں میں مقید کسی کا گھر دیکھوں

تمام عمر اسی سائے کی تلاش کروں

کہ جس کو دیکھنا چاہوں تو در بہ در دیکھوں

نظر کے سامنے جب ہو نہ کوئی تیرے سوا

میں تیری سمت نہ دیکھوں تو پھر کدھر دیکھوں

ہے آرزو یہی آصفؔ کہ راہ ظلمت میں

اسے بھی اپنی طرح میں کبھی نڈر دیکھوں

har ek shai ki haqiqat se ba khabar dekhun

main apni khak mein pinhan tujhe bhi gar dekhun

ye kya ke hat barhaun to sang reze milen

kahin to main bhi damakte hue guhar dekhun

ho ankh mein kisi chehre ka dubta manzar

main paniyon mein muqayyad kisi ka ghar dekhun

tamam umr isi sae ki talash karun

ke jis ko dekhna chahun to dar ba dar dekhun

nazar ke samne jab ho na koi tere siwa

main teri samt na dekhun to phir kidhar dekhun

hai arzu yahi asaf ke rah zulmat mein

use bhi apni tarah main kabhi nidar dekhun