کئے ہیں مجھ پہ جو احساں جتا نہیں سکتا

کئے ہیں مجھ پہ جو احساں جتا نہیں سکتا

وہ شخص تو مرا دل بھی دکھا نہیں سکتا

چھپا ہوا ہوں تہ سنگ ایک مدت سے

ہوا کا جھونکا مری سمت آ نہیں سکتا

پرے ہے آج بھی وہ سرحد تصور سے

میں اس کو پوج تو سکتا ہوں پا نہیں سکتا

دکھا رہا ہے وہی موج موج عکس مجھے

وہ تیرا عکس جسے میں بنا نہیں سکتا

میں ایک نغمۂ‌ سادہ مزاج ہوں آصفؔ

قبائے ساز میں خود کو چھپا نہیں سکتا

kiye hain mujh pe jo ehsan jata nahin sakta

wo shakhs to mira dil bhi dikha nahin sakta

chhupa hua hun tah-e-sang ek muddat se

hawa ka jhonka miri samt a nahin sakta

pare hai aj bhi wo sarhad-e-tasawwur se

main us ko puj to sakta hun pa nahin sakta

dikha raha hai wahi mauj mauj aks mujhe

wo tera aks jise main bana nahin sakta

main ek naghma-e-sada mizaj hun asaf

qaba-e-saz mein khud ko chhupa nahin sakta