روشنی کو تیرگی کا قہر بن کر لے گیا

روشنی کو تیرگی کا قہر بن کر لے گیا

آنکھ میں محفوظ تھے جتنے بھی منظر لے گیا

اجنبی سا لگ رہا ہوں آج اپنے آپ کو

آئنے کے سامنے میں کس کا پیکر لے گیا

کیوں نظر آتی نہیں اب کاٹی سطح آب پر

کھینچ کر ندی کے سر سے کون چادر لے گیا

پھر ہوئی آمادۂ پیکار پیڑوں سے ہوا

پھر کوئی جھونکا کئی پتے اڑا کر لے گیا

روکتے ہی رہ گئے دیوار و در آصفؔ مجھے

میں مگر چپ چاپ خود کو گھر سے باہر لے گیا

raushni ko tirgi ka qahr ban kar le gaya

ankh mein mahfuz the jitne bhi manzar le gaya

ajnabi sa lag raha hun aj apne ap ko

aine ke samne mein kis ka paikar le gaya

kyun nazar ati nahin ab kati sath-e-ab par

khinch kar naddi ke sar se kaun chadar le gaya

phir hui amada-e-paikar peron se hua

phir koi jhonka kai patte ura kar le gaya

rokte hi rah gae diwar-o-dar asaf mujhe

main magar chup chap khud ko ghar se bahar le gaya