پھولوں سے ہوگی دھول جدا دیکھتے رہو

پھولوں سے ہوگی دھول جدا دیکھتے رہو

منظر نکھار دے گی ہوا دیکھتے رہو

لائے گی رنگ لغزش پا دیکھتے رہو

منزل بھی دے گی اپنا پتا دیکھتے رہو

ہاں بزم میں کسی کے گریبان گوش تک

پہنچے گا میرا دست صدا دیکھتے رہو

نیندوں میں کھو کے سیپیاں خوابوں کی دوستو

چننے کو ہے یہ دیدۂ وا دیکھتے رہو

کب آفتاب تازہ کی پہلی شعاع سے

ہوتی ہے چاک شب کی ردا دیکھتے رہو

اس کج ادا کی سمت بہ ایں جور مستقل

آصفؔ بہ طرز اہل وفا دیکھتے رہو

phulon se hogi dhul juda dekhte raho

manzar nikhar degi hua dekhte raho

laegi rang laghzish-e-pa dekhte raho

manzil bhi degi apna pata dekhte raho

han bazm mein kisi ke gareban gosh tak

pahunchega mera dast-e-sada dekhte raho

nindon mein kho ke sipiyan khwabon ki dosto

chunne ko hai ye dida-e-wa dekhte raho

kab aftab-e-taza ki pahli shua se

hoti hai chak shab ki rida dekhte raho

is kaj ada ki samt ba ain jaur-e-mustaqil

asaf ba tarz-e-ahl-e-wafa dekhte raho