وقت کے ساتھ نئی سوچ میں ڈھل جاتے ہیں

وقت کے ساتھ نئی سوچ میں ڈھل جاتے ہیں

ہم وہ سکے ہیں جو ہر دور میں چل جاتے ہیں

اتنے مانوس ہوئے مجھ سے مرے گھر کے چراغ

شام ہوتے ہی مجھے دیکھ کے جل جاتے ہیں

دیکھ لیتا ہوں جو کچھ دیر تری آنکھوں کو

تیری آنکھوں سے مرے خواب بدل جاتے ہیں

اک تکلف میں لحافوں کا سہارا لے کر

آستینوں میں چھپے سانپ بھی پل جاتے ہیں

وقت کب ہاتھ سے جاتا ہے کسی کے ساحرؔ

وقت کے ہاتھ سے ہم لوگ نکل جاتے ہیں

waqt ke sath nai soch mein dhal jate hain

ham wo sake hain jo har daur mein chal jate hain

itne manus hue mujh se mire ghar ke charagh

sham hote hi mujhe dekh ke jal jate hain

dekh leta hun jo kuchh der tiri ankhon ko

teri ankhon se mire khwab badal jate hain

ik takalluf mein lihafon ka sahara le kar

astinon mein chhupe sanp bhi pal jate hain

waqt kab hath se jata hai kisi ke sahir

waqt ke hath se ham log nikal jate hain