بڑے خلوص سے اپنا بنا لیا تھا مجھے

بڑے خلوص سے اپنا بنا لیا تھا مجھے

تمہارے ہجر نے زندہ بچا لیا تھا مجھے

یقین جان بہت ڈر گیا تھا اس دن جب

گلے سے تو نے اچانک لگا لیا تھا مجھے

بچھڑ گئے ہیں تو سارا قصور ہے تیرا

کہ تو نے سر پہ جو اتنا چڑھا لیا تھا مجھے

میں اتنی دیر کہیں بیٹھ ہی نہیں سکتا

کسی نے ہاتھ پکڑ کر بٹھا لیا تھا مجھے

جو اس طرح سے مجھے خرچ کر رہا ہے تو

یہ چند روز میں کتنا کما لیا تھا مجھے

مجھے خوشی ہے سہولت سے اب مروں گا میں

کہ ایک بار تو اس نے بچا لیا تھا مجھے

وہ سرد شام وہ بارش وہ لاپتا یادیں

کسی نے شال میں ساحرؔ چھپا لیا تھا مجھے

bare khulus se apna bana liya tha mujhe

tumhare hijr ne zinda bacha liya tha mujhe

yaqin jan bahut dar gaya tha us din jab

gale se tu ne achanak laga liya tha mujhe

bichhar gae hain to sara qusur hai tera

ke tu ne sar pe jo itna charha liya tha mujhe

main itni der kahin baith hi nahin sakta

kisi ne hath pakar kar bitha liya tha mujhe

jo is tarah se mujhe kharch kar raha hai tu

ye chand roz mein kitna kama liya tha mujhe

mujhe khushi hai suhulat se ab marunga mein

ke ek bar to us ne bacha liya tha mujhe

wo sard sham wo barish wo lapata yaden

kisi ne shal mein sahir chhupa liya tha mujhe