لمحوں میں ایک عمر کی محنت خراب کی

لمحوں میں ایک عمر کی محنت خراب کی

اس دھوپ نے مکان کی رنگت خراب کی

رستے میں پھول دیکھ کے ہم لوگ ڈر گئے

کس نے ہمارے پاؤں کی عادت خراب کی

عجلت پسند ہاتھ میں آئے ہوئے تھے ہم

کچھ گاہکوں نے پوچھ کے قیمت خراب کی

یعنی میں اس کے بعد بھی خوش ہوں یہ سوچ کر

کمرے کی جان بوجھ کے حالت خراب کی

ویسے یہ عشق کون سا لکھا تھا بخت میں

ہم نے تو اپنی آپ ہی قسمت خراب کی

کس نے ہمارے نام پہ بیچے ہیں قہقہے

کس نے ہمارے نام کی شہرت خراب کی

تنگ آ کے آسماں سے نکالا گیا ہمیں

تھوڑی بہت جو تھی یہاں وقعت خراب کی

ساحرؔ جنون شوق میں کیا کیا نہیں کیا

مٹی پلید کی کبھی عزت خراب کی

lamhon mein ek umr ki mehnat kharab ki

is dhup ne makan ki rangat kharab ki

raste mein phul dekh ke ham log dar gae

kis ne hamare paon ki adat kharab ki

ujlat pasand hath mein ae hue the ham

kuchh gahakon ne puchh ke qimat kharab ki

yaani main is ke baad bhi khush hun ye soch kar

kamre ki jan bojh ke halat kharab ki

waise ye ishq kaun sa likha tha bakht mein

ham ne to apni ap hi qismat kharab ki

kis ne hamare nam pe beche hain qahqahe

kis ne hamare nam ki shohrat kharab ki

tang a ke asman se nikala gaya hamen

thori bahut jo thi yahan waqat kharab ki

sahir junun-e-shauq mein kya kya nahin kiya

mitti palid ki kabhi izzat kharab ki