ہم ایسے لوگ کہاں منزلوں کو پاتے ہیں

ہم ایسے لوگ کہاں منزلوں کو پاتے ہیں

ہم ایسے لوگ فقط راستے بناتے ہیں

یہ تیرے جسم کو چھو کر پتہ چلا ہے مجھے

کہ نرم پھول بہت جلد سوکھ جاتے ہیں

یہ کام ہجر میں بدعت شمار ہوتا ہے

مگر یہ دیکھ کہ ہم پھر بھی مسکراتے ہیں

ترا تو خیر کوئی تجھ سے دور ہی نہ گیا

تجھے خبر ہی نہیں سانس کیسے آتے ہیں

نظر نہ آئیں گے تجھ کو غبار اڑنے دے

ترے لیے جو مجھے راہ سے ہٹاتے ہیں

تمہارے خواب غنیمت ہیں بجھتی آنکھوں کو

مگر یہ خواب ہمیں نیند سے جگاتے ہیں

یہ کون باغ میں ساحرؔ دکھائی دینے لگا

کہ پھول پیڑ پرندے خوشی مناتے ہیں

ham aise log kahan manzilon ko pate hain

ham aise log faqat raste banate hain

ye tere jism ko chhu kar pata chala hai mujhe

ke narm phul bahut jald sukh jate hain

ye kam hijr mein bidat shumar hota hai

magar ye dekh ke ham phir bhi muskurate hain

tira to khair koi tujh se dur hi na gaya

tujhe khabar hi nahin sans kaise ate hain

nazar na aenge tujh ko ghubar urne de

tire liye jo mujhe rah se hatate hain

tumhare khwab ghanimat hain bujhti ankhon ko

magar ye khwab hamen nind se jagate hain

ye kaun bagh mein sahir dikhai dene laga

ke phul per parinde khushi manate hain