کسی کے دکھ پہ اگر ہم ملال کرتے ہیں

کسی کے دکھ پہ اگر ہم ملال کرتے ہیں

عجیب لوگ ہیں الٹا سوال کرتے ہیں

کبھی کبھی تو اسے پھونکنے کو جی چاہے

وہ گھر کہ جس کی بہت دیکھ بھال کرتے ہیں

تمہارے ساتھ نہیں مسئلہ یہ شکر کرو

جو تم کو دیکھ کے سانسیں بحال کرتے ہیں

تمہیں بکھرتے ہوئے پھول اچھے لگتے تھے

سو اپنی ذات کو ہم پائمال کرتے ہیں

بھلا ہو شہر ستم گر ترے مکینوں کا

یہ مرنے والوں کا کتنا خیال کرتے ہیں

تمہارا ہجر غنیمت ہے ایسے موسم میں

تمہارے وصل کے لمحے نڈھال کرتے ہیں

وہ جن کو ٹھیک سے آتا نہیں ہے کام کوئی

کمال ہے کہ وہ ساحرؔ کمال کرتے ہیں

kisi ke dukh pe agar ham malal karte hain

ajib log hain ulta sawal karte hain

kabhi kabhi to use phunkne ko ji chahe

wo ghar ke jis ki bahut dekh bhal karte hain

tumhare sath nahin masala ye shukr karo

jo tum ko dekh ke sansen bahal karte hain

tumhen bikharte hue phul achchhe lagte the

so apni zat ko ham paimal karte hain

bhala ho shahr-e-sitam gar tire makinon ka

ye marne walon ka kitna khayal karte hain

tumhara hijr ghanimat hai aise mausam mein

tumhare wasl ke lamhe nidhal karte hain

wo jin ko thik se ata nahin hai kam koi

kamal hai ke wo sahir kamal karte hain