رنگ سے رنگ ملاتا ہوا جاتا ہوا تو

رنگ سے رنگ ملاتا ہوا جاتا ہوا تو

کہکشاں ایک بناتا ہوا جاتا ہوا تو

دور سے تیری طرف بھاگ کے آتا ہوا میں

دور سے ہاتھ ہلاتا ہوا جاتا ہوا تو

آگے آگے میں خد و خال بناتا جاؤں

پیچھے پیچھے وہ مٹاتا ہوا جاتا ہوا تو

سونے والوں کو نئے خواب مہیا کر کے

سبز قندیل جلاتا ہوا جاتا ہوا تو

پاؤں پڑتا ہوا روتا ہوا گرتا ہوا میں

اور مرا ہاتھ چھڑاتا ہوا جاتا ہوا تو

میری خواہش تھی کہ برباد کروں میں خود کو

میری خواہش کا بتاتا ہوا جاتا ہوا تو

سخت مایوس پشیمان گزرتا ہوا میں

مسکراتا ہوا گاتا ہوا جاتا ہوا تو

جتنی آنکھیں ہیں وہ حیران ہوئی جاتی ہیں

اور مرے شعر سناتا ہوا جاتا ہوا تو

جیسے ناکام کوئی شخص ہو ویسے ساحرؔ

ایک سگریٹ کو جلاتا ہوا جاتا ہوا تو

rang se rang milata hua jata hua to

kahkashan ek banata hua jata hua to

dur se teri taraf bhag ke ata hawa mein

dur se hath hilata hua jata hua to

age age main khad-o-khal banata jaun

pichhe pichhe wo mitata hua jata hua to

sone walon ko nae khwab mahiya kar ke

sabz qindil jalata hua jata hua to

paon parta hua rota hua girta hawa mein

aur mira hath chhurata hua jata hua to

meri khwahish thi ke barbad karun main khud ko

meri khwahish ka batata hua jata hua to

sakht mayus pasheman guzarta hawa mein

muskurata hua gata hua jata hua to

jitni ankhen hain wo hairan hui jati hain

aur mire sher sunata hua jata hua to

jaise nakam koi shakhs ho waise sahir

ek sigret ko jalata hua jata hua to