فقیر موجی خراب حالوں کا کیا بنے گا

فقیر موجی خراب حالوں کا کیا بنے گا

یہ عشق کرتی اداس نسلوں کا کیا بنے گا

ہمارے پرکھوں نے ہم سے بہتر گزار لی ہے

میں سوچتا ہوں ہمارے بچوں کا کیا بنے گا

ہمارے جسموں کا خاک ہونا تو ٹھیک ہے پر

تمہاری آنکھوں تمہارے ہونٹوں کا کیا بنے گا

ہمیں تو رونے میں کوئی دقت نہیں ہے لیکن

وہ پوچھنا تھا کہ رونے والوں کا کیا بنے گا

مذاق اڑاتے ہیں لوگ فرضی کہانیوں کا

کہ سیدھے سادے سے ان بزرگوں کا کیا بنے گا

تلاش کرتی ہیں اس بدن کی بشارتوں کو

حقیر سوچوں حریص بانہوں کا کیا بنے گا

وہ حسن ایسے ہی خرچ ہوتا رہا تو ساحر

ہماری نظموں ہماری غزلوں کا کیا بنے گا

faqir mauji kharab halon ka kya banega

ye ishq karti udas naslon ka kya banega

hamare purkhon ne ham se behtar guzar li hai

main sochta hun hamare bachchon ka kya banega

hamare jismon ka khak hona to thik hai par

tumhari ankhon tumhare honton ka kya banega

hamen to rone mein koi diqqat nahin hai lekin

wo puchhna tha ke rone walon ka kya banega

mazaq urate hain log farzi kahaniyon ka

ke sidhe sade se in buzurgon ka kya banega

talash karti hain is badan ki basharaton ko

haqir sochun haris banhon ka kya banega

wo husn aise hi kharch hota raha to sahir

hamari nazmon hamari ghazlon ka kya banega