ہم نے خود کو کبھی بیزار نہیں ہونے دیا

ہم نے خود کو کبھی بیزار نہیں ہونے دیا

اپنی امید کو مسمار نہیں ہونے دیا

اپنے جذبات کا اظہار نہیں ہونے دیا

زندگی کو کبھی اخبار نہیں ہونے دیا

مشکلیں لاکھ ملیں راہ میں ہم کو لیکن

اپنے کردار کو لاچار نہیں ہونے دیا

ہم نے نقصان اٹھا کر بھی نبھائے رشتے

پیار کے جذبے کو بیوپار نہیں ہونے دیا

ہم جو بستر پہ پڑے کون سنبھالے گا ہمیں

بس اسی فکر نے بیمار نہیں ہونے دیا

اپنے بچوں کو سہولت کی ہر اک شے دے کر

ہم نے خود ان کو سمجھ دار نہیں ہونے دیا

خواب دیکھا تھا کبھی ہم نے بھی مدھومنؔ کوئی

پر مقدر نے وہ ساکار نہیں ہونے دیا

ham ne khud ko kabhi bezar nahin hone diya

apni ummid ko mismar nahin hone diya

apne jazbat ka izhar nahin hone diya

zindagi ko kabhi akhbar nahin hone diya

mushkilen lakh milen rah mein ham ko lekin

apne kirdar ko lachar nahin hone diya

ham ne nuqsan utha kar bhi nibhae rishte

pyar ke jazbe ko byopar nahin hone diya

ham jo bistar pe pare kaun sambhalega hamen

bas isi fikr ne bimar nahin hone diya

apne bachchon ko suhulat ki har ik shai de kar

ham ne khud un ko samajh dar nahin hone diya

khwab dekha tha kabhi ham ne bhi madhuman koi

par muqaddar ne wo sakar nahin hone diya