پل خوشی کے تو کبھی آنکھ میں پانی دے گا

پل خوشی کے تو کبھی آنکھ میں پانی دے گا

وقت ہر روز نئی ایک کہانی دے گا

دل مرے چھیڑ نہ تو پھر وہ پرانے قصے

ذکر ماضی مجھے بس اشک فشانی دے گا

پیڑ کیکر کے بھی آئیں گے کہیں راہوں میں

ہر جگہ تو وہ نہیں رات کی رانی دے گا

زندگی ایک جگہ پر ہی رکی ہے کب سے

جانے اب کب وہ اسے آ کے روانی دے گا

بس اسی آس پہ اٹکی ہے مری جان اب تک

کوئی تو رت وہ کبھی مجھ کو سہانی دے گا

لوٹ آئے گا وہ موسم ہے بھروسہ یہ مجھے

پھر مرے باغ کو وہ رنگ فشانی دے گا

دل سے کہنے کی تو کوشش تو ذرا کر مدھومنؔ

تیرے الفاظ کو پھر خود وہ معانی دے گا

pal khushi ke to kabhi ankh mein pani dega

waqt har roz nai ek kahani dega

dil mire chher na to phir wo purane qisse

zikr mazi mujhe bas ashk fishani dega

per kikar ke bhi aenge kahin rahon mein

har jagah to wo nahin rat ki rani dega

zindagi ek jagah par hi ruki hai kab se

jane ab kab wo use a ke rawani dega

bas isi as pe atki hai miri jan ab tak

koi to rut wo kabhi mujh ko suhani dega

laut aega wo mausam hai bharosa ye mujhe

phir mire bagh ko wo rang fishani dega

dil se kahne ki to koshish to zara kar madhuman

tere alfaz ko phir khud wo maani dega