چمن سے خوشبوؤں کا استعارہ لے گیا کوئی

چمن سے خوشبوؤں کا استعارہ لے گیا کوئی

ہمارے گلستاں سے رنگ سارا لے گیا کوئی

ہمیں جو راہ دکھلاتا تھا جیون کے اندھیروں میں

ہمارے آسماں سے وہ ستارہ لے گیا کوئی

بہت ویران رہتا ہے فلک آنکھوں کا یہ جب سے

چرا کر اس سے اس کا ماہ پارہ لے گیا کوئی

بھلا اب زندگی میں دیکھنے کو کیا رہا باقی

جو بھاتا تھا ہمیں وہ ہر نظارہ لے گیا کوئی

لگے گی پار کیسے ناؤ اب یہ خدا جانے

اسے منجدھار میں رکھ کر کنارہ لے گیا کوئی

بدل دیتا تھا جو مینڈک کو اک راجہ کی صورت میں

جہاں سے اب وہ جادو کا پٹارا لے گیا کوئی

دل بیتاب کو مدھومنؔ قرار آئے بھی تو کیسے

سکوں تو چھین کر ہم سے ہمارا لے گیا کوئی

chaman se khushbuon ka istiara le gaya koi

hamare gulsitan se rang sara le gaya koi

hamen jo rah dikhlata tha jiwan ke andheron mein

hamare asman se wo sitara le gaya koi

bahut wiran rahta hai falak ankhon ka ye jab se

chura kar us se us ka mah para le gaya koi

bhala ab zindagi mein dekhne ko kya raha baqi

jo bhata tha hamen wo har nazara le gaya koi

lagegi par kaise nao ab ye khuda jane

use manjdhar mein rakh kar kinara le gaya koi

badal deta tha jo mendak ko ik raja ki surat mein

jahan se ab wo jadu ka pitara le gaya koi

dil-e-betab ko madhuman qarar ae bhi to kaise

sukun to chhin kar ham se hamara le gaya koi