پیرہن جسم پہ اور منہ میں نوالا ہوتا

پیرہن جسم پہ اور منہ میں نوالا ہوتا

کاش ہر شخص کے آنگن میں اجالا ہوتا

چھوڑ کر شاخ نہ جاتے یہ پرندے شاید

پیار سے ہم نے اگر ان کو سنبھالا ہوتا

رابطہ توڑ دیا ایک ہی جھٹکے میں کیوں

گفتگو کر کے کوئی حل تو نکالا ہوتا

اتنے رشتوں کو بکھرنے سے بچا سکتے تھے

کاش اس پل کو کسی طرح تو ٹالا ہوتا

مل کے رہتے جو محبت سے سبھی گل اس میں

پھر تو گلشن کا نظارہ ہی نرالا ہوتا

کھو چکے ہوتے اداسی کے سمندر میں ہم

خود کو گر وقت کے سانچے میں نہ ڈھالا ہوتا

ہم بھی اوروں کی طرح وقت پہ سوتے مدھومنؔ

روگ ہم نے جو سخن کا نہیں پالا ہوتا

pairahan jism pe aur munh mein nauilla hota

kash har shakhs ke angan mein ujala hota

chhor kar shakh na jate ye parinde shayad

pyar se ham ne agar un ko sambhala hota

rabta tor diya ek hi jhatke mein kyun

guftugu kar ke koi hal to nikala hota

itne rishton ko bikharne se bacha sakte the

kash is pal ko kisi tarah to tala hota

mil ke rahte jo mohabbat se sabhi gul is mein

phir to gulshan ka nazara hi nirala hota

kho chuke hote udasi ke samundar mein ham

khud ko gar waqt ke sanche mein na dhala hota

ham bhi auron ki tarah waqt pe sote madhuman

rog ham ne jo sukhan ka nahin pala hota