صحرا کا سفر تھا تو شجر کیوں نہیں آیا

صحرا کا سفر تھا تو شجر کیوں نہیں آیا

مانگی تھیں دعائیں تو اثر کیوں نہیں آیا

دیکھا تھا جسے ہم نے کبھی شوق طلب میں

مہتاب سا وہ چہرہ نظر کیوں نہیں آیا

ہم لوگ تو مرتے رہے قسطوں میں ہمیشہ

پھر بھی ہمیں جینے کا ہنر کیوں نہیں آیا

لگتا ہے مقدر میں مرے سایہ نہیں ہے

مدت سے سفر میں ہوں تو گھر کیوں نہیں آیا

جس کے لیے بیٹھے تھے بچھائے ہوئے آنکھیں

محفل میں ابھی تک وہ بشر کیوں نہیں آیا

موسم تو ہر اک شاخ کے کھلنے کا ظفرؔ تھا

پھر ان پہ کوئی برگ و ثمر کیوں نہیں آیا

sahra ka safar tha to shajar kyun nahin aya

mangi thin duaen to asar kyun nahin aya

dekha tha jise ham ne kabhi shauq-e-talab mein

mahtab sa wo chehra nazar kyun nahin aya

ham log to marte rahe qiston mein hamesha

phir bhi hamen jine ka hunar kyun nahin aya

lagta hai muqaddar mein mire saya nahin hai

muddat se safar mein hun to ghar kyun nahin aya

jis ke liye baithe the bichhae hue ankhen

mahfil mein abhi tak wo bashar kyun nahin aya

mausam to har ik shakh ke khulne ka zafar tha

phir un pe koi barg-o-samar kyun nahin aya