رابطہ کیوں رکھوں میں دریا سے

رابطہ کیوں رکھوں میں دریا سے

پیاس بجھتی ہے میری صحرا سے

ہے مسائل سے اب وہی الجھا

رشتہ جوڑا ہے جس نے دنیا سے

خوشیاں امروز کی وہ پاتا ہے

جو کہ غافل نہیں ہے فردا سے

جس کو حاصل تھیں نعمتیں ساری

اب ہے محروم آب و دانہ سے

ہے خدا کی نظر میں عالی وہی

خوش دلی سے جو ملتا ادنیٰ سے

تھی جسے ساقی سے ظفرؔ نسبت

تشنہ لوٹا وہ بادہ خانہ سے

rabta kyun rakhon mein dariya se

pyas bujhti hai meri sahra se

hai masail se ab wahi uljha

rishta jora hai jis ne duniya se

khushiyan imroz ki wo pata hai

jo ke ghafil nahin hai farda se

jis ko hasil thin nematen sari

ab hai mahrum-e-ab-o-dana se

hai khuda ki nazar mein ali wahi

khush dili se jo milta adna se

thi jise saqi se zafar nisbat

tishna lauta wo bada khana se