زندگی کو شعبدہ سمجھا تھا میں

زندگی کو شعبدہ سمجھا تھا میں

پتھروں کو آئنہ سمجھا تھا میں

دھوپ کی یورش تھی ہر اک سمت سے

سایۂ دیوار سے لپٹا تھا میں

آئینے ہی آئینے تھے ہر طرف

پھر بھی اپنے آپ میں تنہا تھا میں

حادثوں سے کھیلنے کے باوجود

آج بھی ویسا ہوں کل جیسا تھا میں

روز زخمی ہوتا تھا میرا بدن

پتھروں کے شہر میں رہتا تھا میں

عمر بھر اپنے تعاقب میں ظفرؔ

اپنے ہی سائے سے بس الجھا تھا میں

zindagi ko shobada samjha tha main

pattharon ko aina samjha tha main

dhup ki yurish thi har ik samt se

saya-e-diwar se lipta tha main

aine hi aine the har taraf

phir bhi apne ap mein tanha tha main

hadson se khelne ke bawajud

aj bhi waisa hun kal jaisa tha main

roz zakhmi hota tha mera badan

pattharon ke shahr mein rahta tha main

umr bhar apne taaqub mein zafar

apne hi sae se bas uljha tha main