سفر کا سلسلہ آخر کہاں تمام کروں

سفر کا سلسلہ آخر کہاں تمام کروں

کہاں چراغ چلاؤں کہاں قیام کروں

سبھی کے سر پہ ہے رکھی کلاہ نخوت کی

قدوں کی بھیڑ میں کس کس کا احترام کروں

ہیں جتنے مہرے یہاں سارے پٹنے والے ہیں

کسے میں شہہ کروں اپنا کسے غلام کروں

عجیب شہر ہے کوئی سخن شناس نہیں

متاع فکر میں منسوب کس کے نام کروں

مرا شناسا ہے کوئی نہ ہم زباں ہے کوئی

دیار غیر میں پھر کس سے میں کلام کروں

سجاؤں اس کے لئے گھر بچھاؤں پلکیں ظفرؔ

وہ آ رہا ہے تو کچھ میں بھی اہتمام کروں

safar ka silsila akhir kahan tamam karun

kahan charagh chillaun kahan qayam karun

sabhi ke sar pe hai rakhi kulah nakhwat ki

qadon ki bhir mein kis kis ka ehtiram karun

hain jitne mohre yahan sare pitne wale hain

kise mein shah karun apna kise ghulam karun

ajib shahr hai koi sukhan shanas nahin

mata-e-fikr mein mansub kis ke nam karun

mira shanasa hai koi na ham zaban hai koi

dayar-e-ghair mein phir kis se main kalam karun

sajaun us ke liye ghar bichhaun palken zafar

wo a raha hai to kuchh main bhi ehtimam karun