دل و نگاہ کو ویران کر دیا میں نے

دل و نگاہ کو ویران کر دیا میں نے

شکست خواب کا اعلان کر دیا میں نے

جو تیر آئے تھے اس کی طرف سے سینے پر

سجا کے زخموں کا گلدان کر دیا میں نے

غموں کا تاج مرے سر پہ جب سے رکھا ہے

خود اپنے آپ کو سلطان کر دیا میں نے

نہ کوئی پھول ہی رکھا نہ آرزو نہ چراغ

تمام گھر کو بیابان کر دیا میں نے

وہ چاہتا تھا کہ سب کچھ لٹا کے زندہ رہوں

لو آج پورا یہ ارمان کر دیا میں نے

میں زد پہ تیروں کے خود آ گیا ہوں آج ظفرؔ

ترے نشانے کو آسان کر دیا میں نے

dil-o-nigah ko wiran kar diya main ne

shikast-e-khwab ka elan kar diya main ne

jo tir ae the us ki taraf se sine par

saja ke zakhmon ka guldan kar diya main ne

ghamon ka taj mire sar pe jab se rakha hai

khud apne ap ko sultan kar diya main ne

na koi phul hi rakha na arzu na charagh

tamam ghar ko bayaban kar diya main ne

wo chahta tha ke sab kuchh luta ke zinda rahun

lo aj pura ye arman kar diya main ne

main zad pe tiron ke khud a gaya hun aj zafar

tire nishane ko asan kar diya main ne