آئنہ دیکھیں نہ ہم عکس ہی اپنا دیکھیں
zafar iqbal zafar (b. 1940)آئنہ دیکھیں نہ ہم عکس ہی اپنا دیکھیں
جب بھی دیکھیں تو ہم اپنے کو اکیلا دیکھیں
موم کے لوگ کڑی دھوپ میں آ بیٹھے ہیں
آؤ اب ان کے پگھلنے کا تماشا دیکھیں
تب یہ احساس ہمیں ہوگا کہ یہ خواب ہے سب
بند آنکھوں کو کریں خواب کی دنیا دیکھیں
بات کرتے ہیں تو نشتر سا اتر جاتا ہے
اب وہ لہجے کی تمازت کا خسارہ دیکھیں
تو نے نظریں نہ ملانے کی قسم کھائی ہے
آئنہ سامنے رکھ کر ترا چہرہ دیکھیں
کوئی بھی شے حسیں لگتی نہیں جب تیرے سوا
یہ بتا شہر میں ہم تیرے سوا کیا دیکھیں
قتل اور خوں کے مناظر ہیں جو بستی بستی
کیسے انسانوں کی دنیا کا تماشہ دیکھیں
اتنا ویرانی سے رشتہ ہے ظفرؔ اپنا اب
خواب کی دنیا میں بھی صحرا ہی صحرا دیکھیں
aina dekhen na ham aks hi apna dekhen
jab bhi dekhen to ham apne ko akela dekhen
mom ke log kari dhup mein a baithe hain
ao ab un ke pighalne ka tamasha dekhen
tab ye ehsas hamen hoga ke ye khwab hai sab
band ankhon ko karen khwab ki duniya dekhen
bat karte hain to nashtar sa utar jata hai
ab wo lahje ki tamazat ka khasara dekhen
tu ne nazren na milane ki qasam khai hai
aina samne rakh kar tira chehra dekhen
koi bhi shai hasin lagti nahin jab tere siwa
ye bata shahr mein ham tere siwa kya dekhen
qatl aur khun ke manazir hain jo basti basti
kaise insanon ki duniya ka tamasha dekhen
itna wirani se rishta hai zafar apna ab
khwab ki duniya mein bhi sahra hi sahra dekhen