کنیز وقت کو نیلام کر دیا سب نے

کنیز وقت کو نیلام کر دیا سب نے

یہ وہم کیا ہے بڑا کام کر دیا سب نے

کوئی بھی شخص صحت مند کیا نظر آئے

منافرت کا سبق عام کر دیا سب نے

ملی نہ جب انہیں تعبیر اپنے خوابوں کی

پھر اپنی آنکھوں کو نیلام کر دیا سب نے

برا سمجھ کے بزرگوں نے جس کو چھوڑا تھا

وہ کار بد خوش انجام دیا سب نے

ہر ایک سچ کو تو منسوب کر لیا خود سے

تمام جھوٹ مرے نام کر دیا سب نے

جو اپنے عہد کو سچائی بانٹتا تھا ظفرؔ

اس ایک شخص کو بدنام کر دیا سب نے

kaniz waqt ko nilam kar diya sab ne

ye wahm kya hai bara kam kar diya sab ne

koi bhi shakhs sehhat mand kya nazar ae

munafarat ka sabaq am kar diya sab ne

mili na jab unhen taabir apne khwabon ki

phir apni ankhon ko nilam kar diya sab ne

bura samajh ke buzurgon ne jis ko chhora tha

wo kar bad khush anjam diya sab ne

har ek sach ko to mansub kar liya khud se

tamam jhut mire nam kar diya sab ne

jo apne ahd ko sachchai bantta tha zafar

us ek shakhs ko badnam kar diya sab ne