Arooz is now on the App Store, for iPhone and iPad. Download →

All poetry

زندگی کو کر گیا جنگل کوئی

zafar iqbal zafar (b. 1940)

زندگی کو کر گیا جنگل کوئی

لے گیا خوشیوں کا میری پل کوئی

دھنس رہا ہے ہر قدم میرا یہاں

راہ میں درپیش ہے دلدل کوئی

کوئی کنکر پھینکنے والا نہیں

کیسے پھر ہو جھیل میں ہلچل کوئی

زندگی تھی ایک صحرا کی طرح

زندگی کو کر گیا جل تھل کوئی

ہوش بھی اپنا نہیں رہتا مجھے

کر رہا کتنا ظفرؔ پاگل کوئی