مرا وجود سمندر نہیں میں قطرہ ہوں

مرا وجود سمندر نہیں میں قطرہ ہوں

ہر ایک موج کی آغوش میں مچلتا ہوں

میں مشت خاک ہوں گرد و غبار جیسا ہوں

تمام وسعت عالم پہ پھر بھی چھایا ہوں

قضا و قدر کا منظر مری نگاہ میں ہے

حیات ور ہوں اجل سے نظر ملاتا ہوں

یہ دہشتوں کے چھلاوے یہ آفتوں کے پہاڑ

خدا کا شکر کہ اس دور میں بھی زندہ ہوں

اڑائیے نہ ہواؤں میں میری باتوں کو

صدائے وقت ہوں میں وقت کا تقاضا ہوں

کوئی بھی روپ ہو پہچان لوں گا میں تجھ کو

میں کائنات کی ہر چیز سے شناسا ہوں

ازل سے ہے تو مرے علم میں کی تو کیا ہے

بتا سکے تو بتا دے مجھے کہ میں کیا ہوں

دلوں میں اتریں نہ کیوں سب کے میرے شعر نشاطؔ

جو بات کہتا ہوں میں تجربہ کی کہتا ہوں

mira wajud samundar nahin main qatra hun

har ek mauj ki aghosh mein machalta hun

main musht-e-khak hun gard-o-ghubar jaisa hun

tamam wusat-e-alam pe phir bhi chhaya hun

qaza-o-qadr ka manzar miri nigah mein hai

hayat war hun ajal se nazar milata hun

ye dahshaton ke chhalawe ye afaton ke pahar

khuda ka shukr ke is daur mein bhi zinda hun

uraiye na hawaon mein meri baton ko

sada-e-waqt hun main waqt ka taqaza hun

koi bhi rup ho pahchan lunga mein tujh ko

main kainat ki har chiz se shanasa hun

azal se hai to mire ilm mein ki to kya hai

bata sake to bata de mujhe ke main kiya hun

dilon mein utren na kyun sab ke mere sher nishat

jo bat kahta hun main tajriba ki kahta hun