زندگی کو موت کی زد پر جو لا سکتا نہیں

زندگی کو موت کی زد پر جو لا سکتا نہیں

موت کے آغوش میں وہ مسکرا سکتا نہیں

اس کی تہمت اپنے سر بار امانت لے لیا

بوجھ وہ انساں جو اپنا بھی اٹھا سکتا نہیں

ربط ہے ہر شے سے پھر بھی اس جہاں میں دوستو

آدمی خود آدمی کے کام آ سکتا نہیں

یہ جہاں ہے آزمائش گاہ ارباب وفا

لاکھ چاہے بھی تو انساں مسکرا سکتا نہیں

کیا اسی کا نام ہے ساقی تری دریا دلی

مے تو مے پانی بھی تو ہم کو پلا سکتا نہیں

عزم کا سورج لیے میں جگمگاتا ہوں نشاطؔ

ان اندھیروں کو کبھی خاطر میں لا سکتا نہیں

zindagi ko maut ki zad par jo la sakta nahin

maut ke aghosh mein wo muskura sakta nahin

us ki tohmat apne sar bar-e-amanat le liya

bojh wo insan jo apna bhi utha sakta nahin

rabt hai har shai se phir bhi is jahan mein dosto

admi khud admi ke kam a sakta nahin

ye jahan hai azmaish gah-e-arbab-e-wafa

lakh chahe bhi to insan muskura sakta nahin

kya usi ka nam hai saqi tiri dariya dili

mai to mai pani bhi to ham ko pila sakta nahin

azm ka suraj liye main jagmagata hun nishat

in andheron ko kabhi khatir mein la sakta nahin