سکون دل کو نظر کو مری قرار نہیں

سکون دل کو نظر کو مری قرار نہیں

یہ ایک مرگ مسلسل ہے انتظار نہیں

کلی کے لب پہ تبسم کو ڈھونڈنے والو

برائے نام بھی گلشن میں اب بہار نہیں

ہمیں پہنچنے سے منزل پہ کون روکے گا

ہماری راہ میں جب یاس کا غبار نہیں

کرو وہ مشق کہ ہنستے رہو خزاں میں بھی

گل و چمن میں بہاروں پہ اعتبار نہیں

خدا بچائے گلوں کو فریب گلشن سے

فقط بہار کا دھوکا ہے یہ بہار نہیں

قسم ہے عظمت مے خانۂ محبت کی

گھٹا ہے جام ہے ساقی ہے بادہ خوار نہیں

نشاطؔ پینے پلانے کی آرزو بے کار

اٹھا نہ جام ابھی موسم بہار نہیں

sukun-e-dil ko nazar ko miri qarar nahin

ye ek marg musalsal hai intizar nahin

kali ke lab pe tabassum ko dhundne walo

bara-e-nam bhi gulshan mein ab bahar nahin

hamen pahunchne se manzil pe kaun rokega

hamari rah mein jab yas ka ghubar nahin

karo wo mashq ke hanste raho khizan mein bhi

gul-o-chaman mein baharon pe etibar nahin

khuda bachae gulon ko fareb-e-gulshan se

faqat bahar ka dhoka hai ye bahar nahin

qasam hai azmat mai khana-e-mohabbat ki

ghata hai jam hai saqi hai bada khwar nahin

nishat pine pilane ki arzu be kar

utha na jam abhi mausam-e-bahar nahin