دست نازک سے جو پردے کو سنوارا تم نے

دست نازک سے جو پردے کو سنوارا تم نے

میں یہ سمجھا کہ نوازش سے پکارا تم نے

کیا حقیقت میں غم عشق سے مانوس ہوئے

یا یوں ہی پوچھ لیا حال ہمارا تم نے

میرے مکتوب محبت مجھے واپس دے کر

کر لی تو ہے یہ محبت بھی گوارا تم نے

نسبتاً آج حجابوں میں اضافہ کیسا

غالباً جان لیا دل کا اشارا تم نے

دور ماضی کے حسیں گیت سنا کر اکثر

اور بھی درد محبت کو نکھارا تم نے

رفتہ رفتہ نہ بھڑک جائے وہ شعلہ بن کر

رکھ دیا ہے جو مرے دل میں شرارہ تم نے

حیف صد حیف کہ دنیائے طرب میں کھو کر

کر لیا درد کے ماروں سے کنارا تم نے

اشک کہتے ہیں کہ پڑھ پڑھ کے جلیؔ کی غزلیں

دل میں محسوس کیا درد کا دھارا تم نے

dast-e-nazuk se jo parde ko sanwara tum ne

main ye samjha ke nawazish se pukara tum ne

kya haqiqat mein gham-e-ishq se manus hue

ya yun hi puchh liya hal hamara tum ne

mere maktub-e-mohabbat mujhe wapas de kar

kar li to hai ye mohabbat bhi gawara tum ne

nisbatan aj hijabon mein izafa kaisa

ghaliban jan liya dil ka ishara tum ne

dur mazi ke hasin git suna kar aksar

aur bhi dard-e-mohabbat ko nikhara tum ne

rafta rafta na bharak jae wo shola ban kar

rakh diya hai jo mire dil mein sharara tum ne

haif sad haif ke duniya-e-tarab mein kho kar

kar liya dard ke maron se kinara tum ne

ashk kahte hain ke parh parh ke jali ki ghazlen

dil mein mahsus kiya dard ka dhara tum ne