اتنا پرجوش میرے درد کا دھارا تو نہ تھا

اتنا پرجوش میرے درد کا دھارا تو نہ تھا

کیا پس پردہ کہیں قرب تمہارا تو نہ تھا

تم نے القاب بدل کر مجھے مکتوب لکھا

اس تغیر میں کہیں تلخ اشارا تو نہ تھا

لازمہ قطع مراسم سے یہ تفریق ہوئی

ورنہ یہ عشق مجھے آپ سے پیارا تو نہ تھا

بال کھولے ہوئے کیوں آ گئے پردے کے قریب

میں نے آواز سنائی تھی پکارا تو نہ تھا

ہم تو موزوں تھے کسی عالم الفت کے لئے

زر کی دنیا میں جلیؔ کام ہمارا تو نہ تھا

itna purjosh mere dard ka dhara to na tha

kiya pas-e-parda kahin qurb tumhara to na tha

tum ne alqab badal kar mujhe maktub likha

is taghayyur mein kahin talkh ishara to na tha

lazima qat-e-marasim se ye tafriq hui

warna ye ishq mujhe ap se pyara to na tha

bal khole hue kyun a gae parde ke qarib

main ne awaz sunai thi pukara to na tha

ham to mauzun the kisi alam-e-ulfat ke liye

zar ki duniya mein jali kam hamara to na tha