وہم و گماں نے آس بندھائی تمام رات

وہم و گماں نے آس بندھائی تمام رات

آہٹ خرام ناز کی آئی تمام رات

مجبور ہو کے میں نے محبت کی چھاؤں میں

تاروں کو دل کی بات سنائی تمام رات

مسرور ہو کے چاند نے اک چاند کے لیے

کیا چاندنی زمیں پہ بچھائی تمام رات

کھا کر ترس گدازیٔ سوز فراق پر

اشکوں نے دل کی آگ بجھائی تمام رات

یاد آپ کی ہے آپ سے بڑھ کر کرم نواز

آپ اک گھڑی کو آئے وہ آئی تمام رات

تصویر ان کی سامنے رکھ کر بصد الم

روداد اضطراب سنائی تمام رات

در پر نگاہ دل میں تڑپ روح مضطرب

تکلیف انتظار اٹھائی تمام رات

چشم جلیؔ نے حسرت جلوہ لیے ہوئے

اشکوں سے بزم عشق سجائی تمام رات

wahm-o-guman ne as bandhai tamam rat

ahat khiram-e-naz ki ai tamam rat

majbur ho ke main ne mohabbat ki chhaon mein

taron ko dil ki bat sunai tamam rat

masrur ho ke chand ne ik chand ke liye

kya chandni zamin pe bichhai tamam rat

kha kar taras gudazi-e-soz-e-firaq par

ashkon ne dil ki ag bujhai tamam rat

yad ap ki hai ap se barh kar karam nawaz

ap ik ghari ko ae wo ai tamam rat

taswir un ki samne rakh kar basad alam

rudad-e-iztirab sunai tamam rat

dar par nigah dil mein tarap ruh muztarib

taklif intizar uthai tamam rat

chashm-e-jali ne hasrat-e-jalwa liye hue

ashkon se bazm-e-ishq sajai tamam rat