چھپ گیا سورج یہ کہہ کر شام سے

چھپ گیا سورج یہ کہہ کر شام سے

لے سبق دنیا مرے انجام سے

روح کو ہم نے ہزاروں دکھ دئے

نفس کو رکھا بڑے آرام سے

ایک بازیچہ سمجھ کر اہل دل

کھیلتے ہیں گردش ایام سے

سوچئے ہر زاویے سے دہر میں

کیسے گزرے زندگی آرام سے

کر دیا ساقی نے ساغر چور چور

چھین کر اک رند تشنہ کام سے

کون در پر رہ گیا دم توڑ کر

دیکھتے تو تم اتر کر بام سے

ہو گیا برہم نظام میکدہ

ایک آواز شکست جام سے

آخرش فرط مصائب پر جلیؔ

روتے روتے سو گیا آرام سے

chhup gaya suraj ye kah kar sham se

le sabaq duniya mire anjam se

ruh ko ham ne hazaron dukh diye

nafas ko rakha bare aram se

ek bazicha samajh kar ahl-e-dil

khelte hain gardish-e-ayyam se

sochiye har zawiye se dahr mein

kaise guzre zindagi aram se

kar diya saqi ne saghar chur chur

chhin kar ik rind-e-tishna kam se

kaun dar par rah gaya dam tor kar

dekhte to tum utar kar bam se

ho gaya barham nizam-e-maikada

ek awaz-e-shikast-e-jam se

akhirash fart-e-masaib par jali

rote rote so gaya aram se