وحشتوں میں عشق کی وہ شانہ فرمائیں گے کیا

وحشتوں میں عشق کی وہ شانہ فرمائیں گے کیا

زندگی الجھی ہوئی ہے بال سلجھائیں گے کیا

خود ہی تم سوچو جو دنیا میں اسیر ذات ہیں

وہ دکھوں کی بھیڑ میں آرام پہنچائیں گے کیا

دور استبداد میں اے دل فغاں بے سود ہے

گرمیٔ فریاد سے پتھر پگھل جائیں گے کیا

سونے چاندنی کی یہ نہریں یہ فلک پیما محل

باد مرنے کے ترے محشر میں کام آئیں گے کیا

ہم نے صدیوں کا چمن چھوڑا وفا کی آس پر

اب تمہارے دیس میں بھی ٹھوکریں کھائیں گے کیا

طاقت ضبط و تحمل کب کی رخصت ہو چکی

ناتوان عشق کو وہ اور تڑپائیں گے کیا

اے شعاع مہر تاباں جلوہ ریزی سے تری

سنگریزے راہ کے الماس بن جائیں گے کیا

جو مسلسل عصر نو سے برسر پیکار ہیں

وہ بھی تھک کر وقت کے سانچے میں ڈھل جائیں گے کیا

wahshaton mein ishq ki wo shana farmaenge kya

zindagi uljhi hui hai bal suljhaen ge kya

khud hi tum socho jo duniya mein asir-e-zat hain

wo dukhon ki bhir mein aram pahunchaenge kya

dur istibdad mein ai dil fughan be sud hai

garmi-e-fariyad se patthar pighal jaenge kya

sone chandni ki ye nahren ye falak paima mahal

bad marne ke tire mahshar mein kam aenge kya

ham ne sadiyon ka chaman chhora wafa ki as par

ab tumhare des mein bhi thokaren khaenge kya

taqat-e-zabt-o-tahammul kab ki rukhsat ho chuki

natawan-e-ishq ko wo aur tarpaen ge kya

ai shua-e-mehr-e-taban jalwa rezi se tiri

sangreze rah ke almas ban jaenge kya

jo musalsal asr-e-nau se barsar-e-paikar hain

wo bhi thak kar waqt ke sanche mein dhal jaenge kya